តាកែវ៖ នាយករដ្ឋមន្ត្រីសម្ដេចធិបតី ហ៊ុនម៉ាណែត បានបញ្ជាទៅរដ្ឋមន្ត្រីក្រសួងរ៉ែនិងថាមពល ឲ្យពិនិត្យមើលលើលទ្ធភាពក្នុងការបញ្ចុះថ្លៃអគ្គិសនីកម្រិតណាមួយទៅដល់សហគ្រាសឧស្សាហកម្មកសិកម្ម។
ថ្លែងនៅក្នុងជំនួបជាមួយនឹងកម្មករជិត ២ម៉ឺននាក់នៅស្រុកបាទី ខេត្តតាកែវ ព្រឹកថ្ងៃទី១៩ ខែកញ្ញា ឆ្នាំ២០២៣នេះ សម្ដេចធិបតី ហ៊ុន ម៉ាណែត បានលើកឡើងថាការគិតគូរបែបនេះនឹងធ្វើឲ្យសហគ្រាសបង្កើនផលិតកម្មរបស់ខ្លួននិងអាចជ្រើសរើសកម្មករបន្ថែមថែមទៀត។
សម្ដេចថា៖ «ព្រោះគាត់ត្រូវការប្រើច្រើនដែរដូច្នេះត្រូវពិនិត្យមើលលទ្ធភាពឱ្យគាត់អាចពង្រីកថែមទៀត»។
រដ្ឋមន្ត្រីក្រសួងរ៉ែនិងថាមពល លោក កែវ រតនៈ បានបញ្ជាក់ជូនសម្ដេចអធិបតីភ្លាមៗថា មានសហគ្រាសជាង ២ ១០០សហគ្រាសដែលទទួលបានប្រយោជន៍ពីការគិតគូរមួយនេះ៕
